«Барселона» бош мураббийи Ханс-Дитер Флик бир оқшомда «Ноттингем Форест» ва «Удинезе»га қарши ўтказилган иккита ўртоқлик учрашувидан сўнг ўз фикрлари билан ўртоқлашди.

Жамоалар бир-бирларига қарши биттадан тайм ўтказишди. «Кўк-анорранглилар» Англиядан келган рақибни мағлуб этишди (1:0), сўнгра Италия жамоасига худди шундай ҳисобда имкониятни бой беришди.

«Кучли рақибларга қарши яхши ўйинлар бўлди. Биз бундан анча яхшироқ ўйнашимиз мумкин, лекин якунда натижадан қониқдим. Кечаги машғулотларда жамоанинг ҳаракатлари менга унчалик ёқмаганди, бугун эса ҳаммаси яхшироқ кечди», — деди германиялик мутахассис журналистлар билан суҳбатда.

16 август куни каталонияликлар Швейцариянинг «Базель» клубига қарши мавсумолди учрашувини ўтказишади.