«Барселона» ярим ҳимоячиси Фермин Лопес клубнинг трансфер бозоридаги ҳаракатлари бўйича ўз фикрлари билан ўртоқлашди.

«Кўк-анорранглилар» ҳужумчи Ферран Торрес билан хайрлашишлари мумкин, мавжуд маълумотларга кўра, у «ПСЖ» билан келишувга эришган. Жамоанинг янги аъзосига эса яна бир Жаҳон чемпиони Родри бўлиши мумкин.

«Ферран — ажойиб жамоадош. Унинг кетиши ҳақидаги мавзуга чуқурлашмоқчи эмасман, чунки менда тўлиқ маълумот йўқ. Шунингдек, Родрининг келиши ҳақида ҳам ҳеч нарса дея олмайман. Нима бўлган тақдирда ҳам Деку ва спорт бўлими тўғри қарор қабул қилишади.

Мен Родрини Испания терма жамоаси орқали биламан. Унинг ажойиб футболчи эканлигини ҳамма билади, лекин мен трансфер мавзусига аралашмайман», — дейди Ферминнинг сўзларини The Touchline нашри келтириб.

Шанба куни Лопес жароҳатдан сўнг ўзининг илк ўйинини ўтказди — у «Ноттингем Форест»га қарши кечган ва минимал ҳисобдаги ғалаба билан якунланган ўртоқлик учрашувида майдонга тушди.