Италия терма жамоасининг собиқ техник директори Паоло Мальдини миллий жамоадаги қисқа муддатли фаолияти ҳақида хотиралари билан ўртоқлашди.

Мальдинининг айтишича, испаниялик мутахассис Хосеп Гвардиола ҳақиқатан ҳам Италия терма жамоаси бош мураббийи бўлишга яқин турган. Улар Барселонада учрашиб, ушбу лойиҳа ҳақида муҳокама қилиш учун бир кунни бирга ўтказишган.

«У терма жамоада ишлашга жуда қизиққан ва таклифни қабул қилишга яқин турган. Ҳатто қоғозга эҳтимолий таркибларни ёза бошлаган эди. Молиявий масала ҳеч қачон муаммо бўлмаган», — деди Мальдини Corriere Della Serra нашрига берган интервьюсида.

Бироқ Гвардиола АПЛда узоқ йиллар давомида ишлагани сабабли чарчоқ туфайли таклифни рад этган.

«У Англияда жуда оғир ўтган ўн йилни бошдан кечирди. У белидан жарроҳлик амалиётини ўтказди ва бироз танаффус олишни хоҳлади», — дея тушунтирди Мальдини.

Эслатиб ўтамиз, Мальдини Андреа Пирлога Россия букмекерлари билан алоқалари сабаб бош мураббийлик лавозими берилмаганидан норози бўлиб, ўз вазифасини тарк этган.