"Манчестер Юнайтед" бош мураббийи Майкл Кэррик вингер Маркус Рэшфорд жамоанинг Ирландиядаги машғулотлар йиғинига қўшилишини эълон қилди.
"Мен у билан бирга ўйнадим. У дебют қилган ўйинда эдим, шунинг учун бизнинг умумий тарихимиз бор. Бу ҳафта Дублинда тўлиқ таркибга эга бўламиз. Биз у ерга тўғридан-тўғри учиб борамиз ва яна бутун жамоа билан бирга бир неча кун ўтказамиз. Маркус ўша жамоанинг бир қисми", деди Кэррик.
28 ёшли футболчи ўтган мавсумни "Барселона"да ижарада ўтказди ва у ерда 49 та ўйинда 14 та гол урди ва 14 та голли узатмани амалга оширди. Унинг "Манкунианликлар" билан шартномаси 2028 йил ёзига қадар амал қилади.
Маркуснинг "Қизил иблислар" сафидаги сўнгги ўйини 2024 йил декабрь ойида "Виктория" (Пльзень)га қарши Европа Лигаси ўйинида бўлган. Кейинчалик, ўша пайтдаги жамоа мураббийи Рубен Аморим уни 2024 йил 1 декабрда "Эвертон" устидан 4:0 ҳисобида ғалаба қозонишдан олдин барга боргани учун дисквалификация қилди.
2025 йил январь ойида Рэшфорд "Астон Вилла"га ижарага берилди. У "Манчестер Юнайтед" сафида 426 та ўйинда майдонга тушиб, 138 та гол урган ва 60 та голли узатмани амалга оширган.
