«Манчестер Сити» «Лилль» ярим ҳимоячиси Айюб Буадди трансфери бўйича келишувга эришишга яқин.
Трансферлар бўйича машҳур инсайдер Фабрицио Романонинг хабар беришича, «Манчестер Сити» ва 19 ёшли футболчининг вакиллари шахсий шартлар бўйича келишувга эришган.
Энди Манчестер клуби трансферни расмийлаштириш учун «Лилль» билан якуний келишувга эришиши керак. Томонлар ўртасидаги музокаралар аллақачон илғор босқичга ўтган.
Буаддининг ўзи ҳам трансферни ҳозир амалга ошириб, «Манчестер Сити»га қўшилишни истамоқда. Футболчи 2027 йилгача кутишдан кўра, янги жамоасига жорий ёздаёқ ўтишни афзал кўрмоқда.
Айни вақтда «Манчестер Сити» ва «Лилль» битимнинг қолган тафсилотларини келишиш бўйича музокараларни давом эттирмоқда.
