Туркиянинг «Галатасарой» клуби Россиянинг «Локомотив» жамоаси билан ярим ҳимоячи Алексей Батраковнинг трансфери бўйича олиб борилаётган музокаралардан чиқди. Бу ҳақда 90+Digital каналида журналист Якуп Чинар хабар берди.
Манба маълумотларига кўра, «Галатасарой» эътиборини «Порту»нинг 19 ёшли хавбеки Родриго Морага қаратган.
Аввалроқ хориж ОАВлари Туркия гранди «Локомотив»га бонусларни ҳисобга олган ҳолда 25 миллион евро таклиф қилгани ва ўйлаб кўриш учун бир сутка вақт бергани, аммо «темирйўлчилар»дан ҳеч қандай жавоб бўлмагани ҳақида хабар беришган эди.
Янги мавсумда 21 ёшли Батраков барча турнирларда тўртта ўйинда майдонга тушиб, ўз ҳисобига битта голли узатмани ёзиб қўйди.
