«Челси» футболчиси Педру Нету «Арсенал» эътиборини тортди. «Канонирлар» бош мураббийи Микель Артета ёзги трансфер ойнасининг сўнгги ҳафталарида ҳужум чизиғини кучайтиришни режалаштирмоқда ва португалиялик футболчик номзодлар орасида кўриб чиқилмоқда, деб хабар беради Transfer News Live журналист Саймон Филлипсга таяниб. «Челси» 26 ёшли вингерни сотишга ошиқмаяпти, аммо муносиб таклифларни кўриб чиқишга тайёр, футболчининг ўзи ҳам жамоадан кетиш эҳтимолини истисно этмаяпти.

Аввалроқ Педру Нетуга даъвогарлар сифатида «Манчестер Сити», «Ливерпуль» ва «Тоттенхэм» клублари ҳам тилга олинган эди. Transfermarkt портали «Вулверхэмптон»нинг собиқ юлдузи бозор қийматини 60 миллион еврога баҳоламоқда.