Мюнхеннинг «Бавария» клуби ҳужумчиси Харри Кейн ёзги трансфер ойнасида Европанинг икки гиганти эътиборида бўлди. Бу ҳақда TEAMtalk хабар бермоқда.

Манбанинг таъкидлашича, «Барселона» Хулиан Альварес бўйича музокаралар олиб боришига қарамай, ёз давомида Кейннинг атрофидаги инсонлар билан алоқани узмаган. «Тоттенхэм» ҳам инглиз футболчисини мамнуният билан ортга қайтарган бўлар эди, аммо кейинчалик ҳужумчининг ўзи бутун эътиборини «Бавария»га қаратганини маълум қилди.

Миш-мишлар фонида Немис гранди ҳужумчи таътилдан қайтиши билан у билан шартномани узайтириш жараёнини тезлаштиришга қарор қилди. 33 ёшли Кейн ўтган мавсумни жуда юқори даражада ўтказди. У «Бавария» таркибида 51 та ўйинда майдонга тушиб, 61 та гол урди ва 7 та голли узатмага муаллифлик қилди.