Украиналик вингер Михаил Мудрик допинг туфайли олинган дисквалификация бекор қилингач, «Челси» билан машғулотларга қайтди. Эндиликда ҳужумчида фаолиятини давом эттириш учун турли вариантлар пайдо бўлмоқда.
Машҳур инсайдер Фабрицио Романонинг хабар беришича, «кўклар» раҳбарияти Мудрикни оптимал спорт формасига кириб олиши ва мунтазам ўйин амалиётига эга бўлиши учун ижарага беришга тайёр. Таъкидланишича, ушбу трансфер ойнасида 25 ёшли форвард Франциянинг «Страсбург» клубига ёки Италия чемпионати жамоаларидан бирига йўл олиши мумкин. Футболчининг ўзи эса Англия Премьер-лигасида қолишни афзал кўрмоқда.
Эслатиб ўтамиз, Мудрикнинг «Челси» билан амалдаги меҳнат шартномаси 2031 йилгача мўлжалланган.
