"Ноттингем Форест" эгаси Евангелос Маринакис "Кристал Пэлас"га қарши туҳмат бўйича судга мурожаат қилди.
The Sun нашри хабар беришича, суд жараёни ўтган мавсумда "Селхерст Парк"да бўлиб ўтган икки клуб ўртасидаги ўйин пайтида Лондон клуби мухлислари томонидан кўтарилган баннердан келиб чиққан.
Баннерда Маринакиснинг "Ноттингем Форест" ярим ҳимоячиси Морган Гиббс-Уайтнинг бошига қурол кўтарганлиги тасвирланган. Унда шунингдек, бизнесменнинг шантаж, келишилган ўйинлар, гиёҳванд моддалар савдоси ва коррупцияга алоқадорлиги ҳақида гап бор эди.
Маринакис бу айбловлар билан боғлиқ ҳар қандай қонунбузарликни доимий равишда рад этиб келмоқда.
Манбага кўра, бизнесменнинг адвокатлари туҳмат бўйича судга мурожаат қилишган. "Кристал Пэлас"ни бошқарадиган CPFC Limited компанияси бу ишда судланувчи сифатида кўрсатилган.
Футбол Ассоциацияси илгари "Кристал Пэлас"га баннер туфайли 50 000 фунт стерлинг жарима солган эди.
