Ҳимоячи Марк Кукурелья «Реал»даги илк машғулотидан сўнг ўз таассуротлари билан ўртоқлашди. Унинг сўзларига кўра, Европадаги энг катта клубга ўтганидан жуда бахтиёр.

«Мен жуда хурсандман. Жуда камчилик бу либосни кийганман деб айта олади. Биз бу ерда буюк афсоналарни кўрганмиз, бу жуда катта тарихга эга ва Европадаги энг катта клуб. Бугун бу ерда бўлиш — мен учун катта шараф ва қилган сидқидил меҳнатларимнинг мукофотидир», — деди Кукурелья.

Кукурелья, шунингдек, «Реал»га ўтиш имконияти пайдо бўлганида бир сония ҳам иккиланмаганини таъкидлади. У жамоа билан бирга футболдан завқ олишни ва янги ғалабаларни қўлга киритишни мақсад қилган.