"Атлетико Мадрид" ҳужумчиси Хулиан Альварес Мадрид клубидаги вазиятдан норози ва "Барселона"га ўтишни режалаштирмоқда, деб хабар беради Mundo Deportivo.

26 ёшли аргентиналик футболчи 10 август куни "Атлетико Мадрид"га қайтди ва бош мураббий Диего Симеоне билан келажаги ҳақида гаплашишга умид қилди. Бироқ, мураббий ўша пайтда машғулот майдонида йўқ эди - манбага кўра, Симеоне икки кунга Ибицага борган эди. Клуб бош директори Мигел Анхел Гил Марин ҳам йўқ эди.

Хабарларга кўра, кейин Альварес клуб машғулот майдонида ҳозир бўлганларга сабр-тоқати тугаганини ва унга ишониш мумкин эмаслигини айтган. Энди ҳужумчи чоршанба куни, мураббий жамоа билан ишлаш учун қайтиб келганида, Симеоне билан гаплашмоқчи.

Альвареснинг "Атлетико Мадрид" билан шартномаси 2030 йил ёзигача амал қилади.