Бир неча ой олдин, "Шахтёр" дарвозабони Кирило Фесюнни кана чақиб олган эди. Кана дарҳол аниқланмади, бу эса инфекциянинг бутун танасига тарқалишига ва ички органларининг яллиғланишига олиб келди. Айниқса, унинг юраги таъсирланди.
Текширувдан сўнг, "Шахтёр" шифокорлари ўз вақтида даволанмаслик дарвозабоннинг келажакдаги футбол фаолиятига хавф туғдириши мумкинлигини айтишди. Блогер Игор Бурбаснинг сўзларига кўра, шифокорлар ҳозирда Фесюн қачон майдонга қайтишини олдиндан айтиб бера олмайдилар.
Ҳозирги босқичда асосий мақсад Кирилонинг тўлиқ соғайиб кетиши. У дори-дармонлар билан даволанмоқда. Шифокорлар унинг аҳволини барқарорлаштиришга ва Фесюнни тўлиқ ҳаётга қайтаришга ҳаракат қилмоқдалар.
