«ПСЖ» бош мураббийи Луис Энрике қўлга киритилган унвонларга қарамай, доимо ўз устида ишлашга ҳаракат қилишини таъкидлаб, ўзини даҳо деб ҳисобламаслигини айтди.

Испаниялик мутахассис мураббий сифатида «Барселона» ва «ПСЖ» билан 21 та совринни қўлга киритган.

«Мен даҳо эмасман ва бундай бўлишни хоҳламайман. Назаримда, мен рақобатлашиш учун туғилганман — айнан шу нарсада ўзимни энг қулай ҳис қиламан. Теннис, падел, футбол ўйнайманми ёки машғулот ўтказаманми, фарқи йўқ — менга рақобатлашиш ёқади.

Манда доимо яхшиланишга бўлган интилиш бор: жамоа ўйинини, футболчилар билан муносабатларни, жамоа билан ўзаро алоқани яхшилаш, олдимга қўйилган талабларни бажариш, жамоани яхшироқ ҳис қилиш ва ундан максимал натижа олиш.

Лекин мен буни шунчаки мураббий бўлганим ва футболчиларга ниманидир буюра олишим учун эмас, балки ишонтириш орқали қилишни яхши кўраман. Ўйинни тушунишга ва уни ўйинчиларга имкон қадар оддийроқ тушунтиришга ҳаракат қилиш манга ёқади. Ўйлашимча, айнан шу нарса мени ривожланишда давом этишга мажбур қилади.

Ҳозир менга: «Сиз жуда кўп унвонларни қўлга киритдингиз», дейишганида, бу мен учун энди ҳеч қандай аҳамиятга эга эмас. Буларнинг бари ўтмишда қолди, бу энди тарих», — деди Энрикенинг сўзларини RMC Sport.