Дортмунднинг «Боруссия» клуби «Кёльн»га вингер Саид Эль-Мала трансфери бўйича янги таклиф билдирди. Келишувнинг умумий суммаси 55 миллион еврони ташкил этиши мумкин, деб хабар беради Sky Sport.
Дортмунд клуби 19 ёшли германиялик футболчи учун курашни давом эттирмоқда ва унинг ўтиши учун максимал харажат қилишга тайёр. Манба маълумотларига кўра, янги таклиф кафолатланган қисм ва қўшимча тўловларни ўз ичига олади.
«Боруссия» биринчи марта битим шартларини яхшилаётгани йўқ. Аввалроқ 50 миллион евро миқдоридаги таклиф ҳақида хабар берилган эди.
Ўтган мавсумда Эль-Мала 36 та ўйинда 13 та гол урди ва 5 та голли узатмани амалга оширди.
