Журналист Жерард Ромеро "Барселона"нинг Родри трансфери бўйича "Манчестер Сити" билан музокаралари ҳақида фикр билдирди.

"Кўк-анорранглилар" Испания терма жамоаси юлдузи билан келишувга эришди, аммо клублар ўртасидаги музокаралар яхши кечмаяпти - шартлар ҳали ҳам келишиб олинмаган.

"Йигитлар, хотиржам бўлинглар. Биламан, сизлар асабийлашяпсизлар, лекин Родри "Барселона" ўйинчиси бўлади. Клублар шунчаки бир нечта тафсилотларни ҳал қилишлари керак - барчаси тез орада содир бўлади. Улар келишувга яқин", - деди Ромеро Barca Universal билан суҳбатда.

Аввал хабар қилинганидек, "Барселона" 30 ёшли жаҳон чемпиони учун тахминан 70 миллион евро таклиф қилган, шундан 5 миллион евроси бонуслар ҳисобланади.