«Астон Вилла» ярим ҳимоячиси ва сардори Жон Макгинн «ПСЖ»га қарши УЕФА Суперкубоги ўйини олдидан жамоанинг мавсумга бўлган кайфияти ҳақида гапириб берди.

«Мен бу ерда бўлган саккиз йил давомида кўп нарса ўзгарди. Бизда муваффақиятга эришишга ёрдам берган аниқ тузилма ва стандартлар пайдо бўлди. Вазифамиз – янги келган футболчиларга жамоага мослашиб кетишларига ва ҳаммамиз каби янги «Астон Вилла»га ишонишларига ёрдам беришдир.

Биз Англия ва Европанинг энг яхши жамоалари билан барқарор рақобатлашмоқдамиз. Қаршимизда қийинчиликлар етарли, кўп нарса ўзгарди, лекин жамоанинг асосий ўзаги аввалгидек қолди, бизда ўша мураббий, ўша усуллар ва янада каттароқ ютуқларга эришишга бўлган ўша интилиш бор. Модомики, биз ғалабага бўлган бу ташналикни сақлаб қолар эканмиз, «Вилла» мухлислари биздан максимал натижа кутишлари мумкин», — дейилади Макгинннинг УЕФА сайтида келтирилган сўзларида.