«Тоттенхэм» бош мураббийи Роберто Де Дзерби жамоа ҳимоячиси Жед Спенснинг клубдан кетишига тўсқинлик қилмайди. Бу ҳақда журналист Гэри Уорд хабар берди.
Аввалроқ Миланнинг «Интер» клуби «шпорлар»га Спенс трансфери бўйича расмий таклиф юборгани ҳақида маълумот тарқалган эди.
Манбага кўра, Де Дзерби Спенсга у истаган миқдорда ўйин амалиётини кафолатлай олмайди. Шу боис ҳимоячи жамоадан кетиш истагини билдирса, италиялик мураббий уни қўйиб юборишга қарши эмас. Бу таркибдан жой олиш имконияти чекланган бошқа футболчиларга ҳам тегишли.
26 ёшли Спенс ўтган мавсумда барча турнирлар доирасида 44 та учрашувда майдонга тушди. Бироқ ушбу ўйинларда у гол ёки голли узатма билан ўз ҳисобига ёзув кирита олмади.
