«Манчестер Сити»нинг янги бош мураббийи Энцо Мареска Хосеп Гвардиола кетганидан сўнг клубдаги ички тартибларни ўзгартиришни бошлади.
Италиялик мутахассиснинг дастлабки қарорларидан бири жамоа базасидаги мураббийлар хоналарига тааллуқли бўлди. The Sun нашри хабарига кўра, Мареска илгари Гвардиоланинг ёрдамчиси фойдаланган кабинетни эгаллади. Гвардиоланинг ўз кабинети эса жамоа йиғилишлари ўтказиладиган хонага айлантирилди.
Ишни бошлашдан олдин Мареска Барселонада Гвардиола меҳмони бўлиб, у билан «Манчестер Сити»нинг ҳозирги таркибини бир неча соат давомида муҳокама қилди. Мураббийлар, шунингдек, футболчиларнинг феъл-атвори ва уларнинг асосий таркибда майдонга тушмасликка бўлган муносабати ҳақида ҳам гаплашиб олишди. Шу билан бирга, Мареска «Ман Сити»даги ишни ўз услубида йўлга қўйишни ва Гвардиоланинг ёндашувини кўчирмасликни мақсад қилган.
«Манчестер Сити» янги мавсумни 16 август куни «Арсенал»га қарши Англия Суперкубоги учун кечадиган ўйин билан бошлайди.
