«Манчестер Юнайтед» сардори Бруну Фернандешнинг эҳтимолий кетиши ҳақидаги миш-мишлар ҳамон долзарблигини йўқотмаяпти.
Журналист Саймон Стоун маълумотига кўра, португалиялик яримҳимоячини «Милан», «Ювентус» ва Туркиянинг «Галатасарой» клублари ўз сафига қўшиб олишга қизиқиш билдирмоқда.
Фернандешнинг шартномасида хориж клублари учун 57 млн фунт (қарийб 67 млн евро) миқдорида товон пули белгиланган.
Шунга қарамай, футболчининг ўзи «Манчестер Юнайтед»да тўп тепишни давом эттиришни афзал кўрмоқда. У ҳатто фаолиятини шу клубда якунлаши ҳам мумкин.
8 сентябрь куни Бруну Фернандеш 32 ёшга тўлади. Унинг «Манчестер Юнайтед» билан амалдаги шартномаси 2027 йил ёзига қадар мўлжалланган бўлиб, келишувни яна бир йилга узайтириш имконияти ҳам мавжуд.
