«ПСЖ» бош мураббийи Луис Энрике УЕФА Суперкубогида «Астон Вилла» устидан қозонилган 2:1 ҳисобидаги ғалабадан сўнг жамоасининг навбатдаги катта мақсади ҳақида гапирди.
Испаниялик мутахассис парижликлар Чемпионлар лигасида кетма-кет учинчи марта ғолиб чиқиб, «Реал»нинг тарихий натижасини такрорлашни мақсад қилганини таъкидлади.
Мадрид клуби Зинедин Зидан бошчилигида 2016, 2017 ва 2018 йилларда кетма-кет уч марта Чемпионлар лигаси бош совринини қўлга киритган эди.
«Энди мақсадимиз — Чемпионлар лигасини кетма-кет учинчи марта ютиш. Биз амбицияли бўлишимиз ва ўз кучимизга ишонишимиз керак. Бу жуда қийин бўлади, аммо, шубҳасиз, бизнинг мақсадимиз шу», — дея Луис Энрикенинг сўзларини УЕФА матбуот хизмати келтирди.
«ПСЖ» 2025 ва 2026 йилларда Чемпионлар лигасида кетма-кет ғолиб чиқди. Парижликлар финалларда мос равишда «Интер» ва «Арсенал»ни мағлуб этган.
