«Атлетико» президенти Энрике Сересо «Реал»дан кетган Криштиану Роналдунинг ўз клубида тўп тепа олмаслигини айтди.
Роналду «Мадрид» сафида 2009 йилдан 2018 йилгача ўйнаган ва клуб тарихидаги энг яхши тўпурарга айланган (450 гол).
2022 йилда Криштиану иккинчи марта «Манчестер Юнайтед»дан кетганида, унинг «Атлетико»га эҳтимолий трансфери ҳақида миш-мишлар тарқалган эди.
«Роналду, шубҳасиз, фантастик футболчи, аммо у “Атлетико”да ўйнай олмасди.
Ҳар қандай жамоа унинг даражасидаги футболчига эга бўлишдан хурсанд бўларди. Аммо унинг буюклигини тан олиш бошқа, уни “Атлетико” либосида тасаввур қилиш эса бутунлай бошқа масала», — деди Сересо Super нашрига берган интервьюсида.
