«Црвена Звезда» Деян Станковичдан кейин жамоа бош мураббийи лавозимига кимни тайинлашини ҳал қилди.

Direktno маълумотига кўра, жамоани испаниялик Альберт Риера бошқаради. Келишув яқин кунларда расмийлаштирилади. Бу маълумот бошқа манбаларда ҳам тасдиқланган. 

44 ёшли Риеранинг сўнгги иш жойи Франкфуртнинг «Айнтрахт» клуби бўлган. У жамоани 2026 йил февраль ойидан майига қадар бошқарган.

Чоршанба куни «Црвена Звезда» Чемпионлар лигаси 3-саралаш босқичида «Хапоэль» жамоасига қарши баҳсларда (0:1, 0:2) мағлуб бўлиб, мусобақадан чиқиб кетди ва шундан сўнг бош мураббий Станковичнинг истеъфосини эълон қилди.