«Манчестер Юнайтед» ҳимоячиси Нуссаир Мазрауи «Барселона»даги ижара муддатидан сўнг инглиз клубига қайтган Маркус Рэшфорднинг келажаги ҳақида фикр билдирди.
«Барселона» 28 ёшли англиялик футболчини тўлиқ сотиб олиш ҳуқуқидан фойдаланмасликка қарор қилди. Рэшфорд эса яқинда таътилдан қайтиб, «Манчестер Юнайтед» ихтиёрига келиб қўшилди.
«Рэшфорд бу мавсумда жамоамиз учун муҳим кучга айланиши мумкин. Албатта, агар у клубдан кетмаса», — дея Мазрауининг сўзларини келтиради CentreDevils.
Ўтган мавсумда Маркус Рэшфорд «Барселона» сафида барча мусобақалар доирасида 49 та учрашувда майдонга тушиб, 14 та гол урди ва яна 14 та голли узатмани амалга оширди.
Вингернинг «Манчестер Юнайтед» билан амалдаги шартномаси 2028 йилнинг ёзига қадар мўлжалланган.
