Лондоннинг «Арсенал» клуби бош мураббийи Микель Артета ярим ҳимоячи Итан Нванерининг ижарадан қайтганидан кейинги ҳолати ҳақида фикр билдирди.

19 ёшли футболчи «Марсель»даги ижара муддатини якунлаб, ўз клуби сафига қайтди. Англиялик иқтидорли ярим ҳимоячи «Арсенал»нинг мавсумолди тайёргарлиги доирасидаги барча учрашувларида иштирок этди.

«Итан ўзини яхши кўрсатди. Ҳа, эҳтимол, унинг ижарага кетиши кутилганидек натижа бермагандир. Аммо ўша пайтда «Марсель» атрофида жуда кўп шов-шув бор эди, клубда ўзгаришлар кечаётганди. Шунга қарамай, ҳозир Нванери анча етук футболчи бўлиб кўринмоқда — у жуда фойдали тажриба орттирди.

Ярим йил давомида хорижда, ёлғиз ва мураккаб шароитда яшаш — футболнинг бир қисми. Агар сен етарлича яхши футболчи бўлсанг, бундай вазиятларни енгиб ўтишни ҳам билишинг керак. Итaннинг мавсумолди тайёргарлигида кўрсатган ўйинидан мамнунман», — дея Артетанинг сўзларини келтиради журналист Коннор Хамм.

Якшанба куни «Арсенал» Англия Суперкубоги учун «Манчестер Сити»га қарши майдонга тушади.