ESPN Европанинг энг яхши клуб мураббийлари бўйича янгиланган рейтингини эълон қилди. Рўйхатдан жами 30 нафар мутахассис ўрин олган.

Рейтингнинг биринчи поғонасини «ПСЖ» бош мураббийи Луис Энрике эгаллади. Унинг жамоаси ўтган мавсумда яна Чемпионлар лигасида ғолиб чиқди ва Франция чемпионлигини қўлга киритди.

Иккинчи ўрин Пеп Гвардиолага насиб этди. Испаниялик мутахассис «Манчестер Сити»даги кўп йиллик фаолиятини чемпионатда иккинчи ўрин ва Англиянинг икки кубок мусобақасидаги ғалабалар билан якунлади.

Кучли учликни Микель Артета тўлдирди. У «Арсенал»ни 22 йиллик танаффусдан сўнг илк бор Англия чемпионлигига олиб келди.

Шунингдек, топ-10 дан Ханс-Дитер Флик («Барселона»), Унаи Эмери («Астон Вилла»), Жан Пьеро Гасперини («Рома»), Хаби Алонсо («Челси»), Арне Слот (клубсиз), Венсан Компани («Бавария») ва Кристиан Киву («Интер») ҳам жой олди.

«Реал»га қайтган Жозе Моуриньо эса рейтингда атиги 24-ўринни эгаллади.