«Барселона» вингери Ламин Ямал жамоа машғулотларига қайтди. Бу ҳақда каталонияликлар матбуот хизмати ижтимоий тармоқларда маълум қилди.
«Ламин Ямал қайтди. Уйга хуш келибсан, жаҳон чемпиони!» — дейилади «Барселона»нинг футболчи сурати остидаги хабарида.
Шунингдек, Дани Ольмо, Пау Кубарси ва Педри ҳам жамоа билан машғулотларни бошлади.
Қайд этилишича, кўплаб футболчилар жаҳон чемпионатида иштирок этгани сабаб 2026/27 йилги мавсумга тайёргарликни одатдагидан кечроқ бошламоқда.
«Барселона» янги Ла Лига мавсумидаги илк учрашувини 23 август, якшанба куни ўтказади. Ханс-Дитер Флик шогирдлари сафарда «Эльче»га қарши майдонга тушади.
