Франция футбол федерацияси янги бош мураббий Зинедин Зидан томонидан шакллантирилган миллий терма жамоа мураббийлар штаби таркибини эълон қилди.
23 кишидан иборат рўйхатдан 1998 йилги жаҳон чемпиони Фабьен Бартез ҳам ўрин олди. У дарвозабонларни шуғуллантиради. Зиданнинг ёрдамчиси бўлиб «Реал Мадрид»да у билан бирга ишлаган Давид Беттони тайинланди.
Шунингдек, Грегори Дюпоннинг стратегия ва самарадорлик бўйича маслаҳатчи лавозимига тайинланганини таъкидлаш мумкин. Ушбу мутахассис Дидье Дешам даврида ҳам жамоага ёрдам берган ва «Реал»да ҳам фаолият юритган.
25 сентябрь куни Франция терма жамоаси Миллатлар лигасининг янги мавсумидаги илк ўйинини ўтказади. Уларнинг рақиби Туркия бўлади. Шунингдек, французлар билан бир гуруҳдан бельгияликлар ва италияликлар ўрин олишган.
