«Барселона» ҳақиқатан ҳам «Бетис»нинг марказий ҳимоячиси Натанга қизиқиш билдирмоқда. Бу ҳақда 25 ёшли бразилиялик футболчининг вакили Андре Кюри маълум қилди.

««Барселона» мен билан тўғридан-тўғри боғлангани йўқ, аммо ўз қизиқиши ҳақида «Бетис» раҳбариятига хабар берган», — дея агентнинг сўзларидан иқтибос келтиради Footmercato.

Каталонияликлар Рональд Араухонинг «Ливерпуль»га ижара асосида ўтганидан сўнг ҳимояни мустаҳкамлаш учун бир нечта вариантларни кўриб чиқишмоқда.

«Агар «Бетис» яхши таклиф олса, ўйлашимча, у кетиши мумкин», — дея қўшимча қилди Кюри.

Натан 2024 йилдан бери «Бетис» шарафини ҳимоя қилиб келмоқда. Унинг Испания клуби билан шартномаси 2030 йилгача мўлжалланган бўлиб, ҳимоячи жамоа сафида жами 97 та ўйин ўтказган (ўтган мавсумда 45 та ўйин, 1 та голли узатма ва 14 та огоҳлантириш). Transfermarkt талқинига кўра, футболчининг бозор қиймати 25 миллион еврони ташкил этади.