«Манчестер Сити» бельгиялик қанот ҳужумчиси Жереми Доку билан ҳамкорлик узайтирилганини эълон қилди. Футболчи 2031 йилнинг ёзигача мўлжалланган янги меҳнат шартномасига имзо чекди. Бу ҳақда «шаҳарликлар» матбуот хизмати расмий сайтда хабар берди.

Доку Англия жамоаси шарафини 2023 йилдан бери ҳимоя қилиб келмоқда. «Манчестер Сити» таркибида 24 ёшли ҳужумчи барча мусобақаларда 131 та ўйинда майдонга тушиб, 22 та гол урди ва 34 та результатив узатмани амалга оширди. Англияга кўчиб ўтишдан олдин Доку Франциянинг «Ренн» ва Бельгиянинг «Андерлехт» клубларида ўйнаган.

Англия Премьер-лигасининг янги мавсуми 21 август куни бошланади.