Ла Лига матбуот хизматининг хабар қилишича, 2026/27 йилги мавсумдан бошлаб Испания олий дивизионининг барча ўйинларида ичига махсус датчиклар ўрнатилган тўплардан фойдаланилади. Шу тариқа, Ла Лига бундай технологияни доимий асосда амалиётга татбиқ этган дунёдаги биринчи миллий чемпионатга айланади.
Тизим VAR ҳамда офсайдни ярим автоматик аниқлаш тизими билан интеграция қилинади. Puma’нинг расмий тўпига ўрнатилган Kinexon датчиги тўпнинг ҳаракати ҳақидаги маълумотларни узатади ва футболчининг тўпга теккан аниқ лаҳзасини қайд этиш имконини беради.
Ушбу технология ҳакамларга офсайд, қўл билан ўйин, рикошет ва бурчак тўпларини аниқлашда ёрдам беради. 2027/28 йилги мавсумдан эса бу тизимни Сегундада ҳам жорий этиш режалаштирилмоқда.
