2027 йилда Испания Суперкубоги ўйинлари Саудия Арабистонида эмас, Туркияда ўтказилади. Бу ҳақда Испания Қироллик футбол федерацияси хабар бермоқда.

Манбанинг таъкидлашича, янги мавсумда турнир одатдаги январь саналари ўрнига 2–7 февраль кунлари Истанбулда бўлиб ўтади. Соврин учун анъанага кўра тўртта жамоа — «Барселона», «Реал», «Атлетико» ва «Реал Сосьедад» кураш олиб боради.

Ўтган мавсумда Испания Суперкубоги эгаси «Барселона» бўлган эди. Ханс-Дитер Флик жамоаси ярим финалда «Атлетик»ни тор-мор этган (5:0), сўнг «Реал»ни мағлуб этган эди (3:2). Таъкидлаш жоизки, каталонияликлар кетма-кет иккита Суперкубок турнирида зафар қучишди.