«ПСЖ» ҳимоячиси Иля Забарний Европа Суперкубоги баҳсидаги ғалабадан сўнг жамоавий суратдан Матвей Сафоновни қирқиб ташлади.
Парижликлар «Астон Вилла»ни 2:1 ҳисобида мағлуб этиб, трофейни қўлга киритишди. Сафонов асосий таркибда майдонга тушди ва рақибнинг учта зарбасини қайтарди, Забарний эса захирада қолди.
Ўйиндан сўнг Забарний Instagram саҳифасига «ПСЖ»нинг соврин билан тушган умумий жамоавий суратини жойлади. У тасвирни икки қисмга бўлиб, россиялик дарвозабон акс этган кадр қисмини қирқиб ташлаган. Кейинчалик Украина терма жамоаси футболчиси постни таҳрирлаб, фақат ўзининг суратларини қолдирди.
