"Аталанта" "Удинезе"дан 24 ёшли даниялик ҳимоячи Томас Кристенсенни ижарага олганини расман эълон қилди.
Бергамо клуби Кристенсенни кейинчалик сотиб олиш ҳуқуқи билан ижарага олди. Муайян шартлар бажарилса, ушбу опция мажбурий тарзда ишга тушади.
Кристенсен "Орхус" тарбияланувчиси ҳисобланади. У 19 ёшида Дания чемпионатида асосий жамоа сафида дебют қилган. Ҳимоячи "Орхус" таркибида жами 46 та ўйин ўтказиб, 2 та гол урган.
2023 йил ёзида Кристенсен "Удинезе"га ўтди. Ўтган мавсумда у 31 та учрашувда майдонга тушиб, 3 та гол урди ва 4 та сариқ карточка олди.
Халқаро даражада Кристенсен Даниянинг ўсмирлар ва ёшлар терма жамоаларида тўп тепган. У 2025 йилги Европа чемпионатида Дания ёшлар терма жамоаси билан чорак финалгача етиб борган.
