«Сантос» Жанубий Америка кубоги (Copa Sudamericana) 1/8 финалининг дастлабки ўйинида «Макара»дан устун келди — 2:1. Учрашув Бразилиядаги «Вила Бельмиро» стадионида бўлиб ўтди.

5-дақиқада Эквадор клуби ҳисобни очди — Франко Поссе гол муаллифига айланди. Танаффус олдидан мезбонлар ҳужумчиси Габриэль Барбоза мувозанатни тиклади. Иккинчи бўлим ўрталарида Виллиан Арао «Сантос»га ғалаба келтирган голни урди. Бразилияликларнинг иккала голида ҳам ўз ҳисобига иккита голли узатма ёздириб қўйган Неймар фаол иштирок этди.

Жавоб ўйини бир ҳафтадан сўнг, 21 август куни Эквадорда бўлиб ўтади.

Жанубий Америка кубоги 1/8 финал. Биринчи ўйин

«Сантос» (Бразилия) — «Макара» (Эквадор) — 2:1 (1:1)

Голлар: Поссе 5' (0:1), Габриэль 44' (1:1), Арао 76' (2:1).