Испанияда «Манчестер Сити» ярим ҳимоячиси Родрининг «Барселона»га ўтиши муқаррар деб ҳисобланмоқда.

Бугун клублар ўртасида янги музокаралар ўтказилиши режалаштирилган. «Кўк-анорранглилар» навбатдаги таклифни юборишади ва бу таклиф «шаҳарликлар»ни тўлиқ қаноатлантириши кутилмоқда.

«Родри аниқ «Барселона»да ўйнайди. Деку 60 миллион евро ва яна 10 миллион евро бонус сифатида таклиф қилишни режалаштирмоқда. Клубдагилар футболчи душанба куниёқ Барселонага учиб келиши мумкин деб ҳисоблашмоқда», — деди BarcaTimes манбасига таяниб журналист Ниль Сола.

Пайшанба куни Родри Англияга учиб келди — у Ливерпуль аэропортида кўриниш берган. 30 ёшли ярим ҳимоячи трансфер ҳақидаги саволга жавоб беришдан бош тортди.