Вингер Рио Нгумоа «Ливерпуль»нинг режаларида муҳим ўрин тутишда давом этмоқда.
«Мерсисайдликлар» трансфер ойнасининг сўнгги ҳафталарида ҳужум чизиғини кучайтиришни режалаштирмоқда, бироқ 17 ёшли вундеркинд янги трансферларнинг «қурбони»га айланмайди. Инсайдер Фабрицио Романонинг маълумотларига кўра, «Ливерпуль» ҳужум позициясига икки нафаргача янги футболчи олиб келишга эришган тақдирда ҳам, Нгумоа клуб учун «дахлсиз» статусини сақлаб қолади.
Рио Нгумоа «Ливерпуль»нинг асосий жамоасида жами 30 та ўйинда майдонга тушиб, 2 та гол урди ва 1 та голли узатмани амалга оширди. 29 август куни бу порлоқ истеъдод эгаси 18 ёшни қарши олади. Transfermarkt мутахассислари футболчининг трансфер қийматини 30 миллион еврога баҳоламоқда.
