«Манчестер Сити» ярим ҳимоячиси Родри матбуот билан мулоқот қилишдан бош тортди.

Испаниялик футболчи таътилдан сўнг ўз клуби ихтиёрига қайтмоқда — пайшанба оқшомида у Англияга учиб келди. Ливерпуль аэропортида «шаҳарликлар» ярим ҳимоячисини Jijantes репортёри кутиб олиб, «Барселона»га трансфер ҳақида савол берди, бироқ футболчи бунга муносабат билдирмай, шунчаки ўтиб кетди. Шунингдек, жаҳон чемпиони у билан суратга тушишни сўраган мухлисларга ҳам рад жавобини берди.

Яқин вақт ичида «Барселона» Родрининг ўтиши бўйича «Манчестер Сити» билан келишиб олишга ҳаракат қилади. Янги музокаралар бугун, жума куни бўлиб ўтади. 30 ёшли футболчи «кўк-анорранглилар» билан аллақачон келишувга эришган.