«Сассуоло» лагерида муҳим тайинлов амалга ошди — Андреа Фабрис клубнинг янги бош директорига айланди. Унинг учун бу «Сассуоло»га қайтиш ҳисобланади, чунки у «Аталанта» таклифини қабул қилишидан олдин ушбу клубда роса 11 йил фаолият юритган эди.
Бироқ у Бергамода бор-йўғи икки йил ишлади ва эндиликда янада масъулиятли янги лавозимда ўз уйига қайтмоқда. Бу ҳақда derbyderbyderby.it нашри хабар беради.
Эслатиб ўтамиз, Италия А Сериясининг янги мавсуми келаси ҳафта охирида бошланади. Қизиғи шундаки, 1-турда «Сассуоло» Фабриснинг собиқ клуби — «Аталанта»га қарши майдонга тушиши керак.
