«Галатасарой» ҳужумчиси Виктор Осимхен Лондоннинг «Арсенал» клубининг трансфер нишонига айланди.
«Канонирлар» бош мураббийи Микель Артета нигериялик футболчини трансфер бозоридаги устувор вариант сифатида белгилаб олди, деб хабар беради журналист Себастьен Дени. Англия гранди раҳбарияти битимни ёз охиригача якунлай олишига ишонч билдирмоқда. «Галатасарой» ҳозирча форвард учун аниқ нарх белгиламаган, аммо унинг сотувидан камида 70 миллион евро ишлаб олишдан умидвор.
Ўтган йилнинг ёзида Туркия клуби Виктор Осимхенни «Наполи»дан 75 миллион еврога сотиб олган эди. Transfermarkt портали ҳам 27 ёшли футболчини айнан 75 миллион еврога баҳоламоқда.
