«Челси» ярим ҳимоячиси Энцо Фернандес бўйича трансфер музокараларини олиб боришнинг сўнгги муҳлати тугаб бормоқда.

«Кўклар» раҳбарияти аниқ дедлайн белгилади: 120 миллион фунт стерлинг (140 миллион евро) миқдоридаги таклиф жума куни соат 17:00 дан кечиктрилмай келиб тушиши керак — акс ҳолда аргентиналик ҳеч қаерга кетмайди. Инсайдер Фабрицио Романо ушбу масала бўйича янгиланган маълумотлар билан ўртоқлашди.

«Мен «Челси» эгаси эмасман, лекин клуб ўз позициясини аниқ ва ошкора билдирди. Айтишим мумкинки, пайшанба куни «Манчестер Сити» Фернандеснинг агентлари билан тўғридан-тўғри музокаралар олиб борди. Энди улар талаб қилинаётган суммани тўлашга арзийдими-йўқми, шуни ҳал қилишлари керак», — деди трансферлар бўйича мутахассис.

Энцо Фернандеснинг «Челси» билан амалдаги шартномаси 2032 йилгача мўлжалланган.