«Манчестер Юнайтед» бош мураббийи Майкл Кэррик янги мавсум олдидан жамоа сардори Бруну Фернандеш ҳақидаги саволга жавоб берди.
22 август куниёқ «қизил иблислар» Премьер-лиганинг биринчи тури доирасида сафарда «Халл Сити»га қарши майдонга тушади.
«Бизга топ-даражадаги футболчилар керак. Ҳар бир яхши жамоада катта фойда келтира оладиган ижрочилар бўлади. Брунунинг имкониятларидан максимал даражада фойдаланишда давом этишимиз ва жамоани унинг атрофида қуришимиз керак.
У [таътилдан] қайтганидан бери ўзини намунавий тарзда намоён этмоқда — бу унинг ўйини, етакчилик фазилатлари, ёш жамоадошларига ёрдам бериш истагига ҳам тааллуқли. Бруну айни пайтда ажойиб формада ва мавсум бошланишини интиқлик билан кутмоқда», — дея Кэррикнинг сўзларини келтирди журналист Саймон Стоун.
