Лондоннинг «Челси» клуби қанот ҳимоячиси Мало Гюсто бошқа бир топ-клубга кўчиб ўтиши мумкин.

Журналист Экрем Конурнинг хабар беришича, 23 ёшли француз футболчисини ўз сафига қўшиб олишга «Тоттенхэм», «ПСЖ», «Ливерпуль», «Бавария», «Ювентус» ва «Манчестер Сити» клублари қизиқиш билдирмоқда. Аммо таъкидланишича, «шаҳарликлар» Гюстони фақат трансфер ойнасининг сўнгги кунларида сотиб олишга ҳаракат қилишлари мумкин.

Манба берадиган маълумотларга кўра, «Челси» 87,8 миллион евро миқдоридаги таклифларни кўриб чиқишга тайёр.

2025/26 йилги мавсумда Гюсто барча турнирларни ҳисобга олган ҳолда 49 та ўйинда майдонга тушиб, 3 та гол урди ва 5 та голли узатмага муаллифлик қилди.