Лондоннинг «Тоттенхэм» клуби ҳужумчиларни сотиб олиш бўйича фаол ишларни давом эттирмоқда.
CaughtOffside хабарига кўра, «шпорлар» «Ливерпуль»дан Коди Гакпо ва «Манчестер Сити»дан Савиони ўз сафига қўшиб олмоқчи. Таъкидланишича, Савио «Тоттенхэм»га ўтишни ўзи хоҳлаётгани сабабли уни сотиб олиш эҳтимоли юқорироқ.
Гакпонинг ўтишига келсак, унинг «Ливерпуль»ни тарк этиши мерсисайдликлар Брэдли Баркола ва Ибраима Мбайе билан шартнома имзолашига боғлиқ.
Англия Премьер-лигасининг янги мавсум биринчи турида «Тоттенхэм» сафарда «Брентфорд»га қарши майдонга тушади. Учрашув 22 август куни бўлиб ўтади.
