«Манчестер Сити» бош мураббийи Энцо Мареска нидерландиялик ярим ҳимоячи Тижани Рейндерснинг жамоадан кетиши мумкинлиги ҳақида тўхталиб ўтди. Аввалроқ хавбек Саудия Арабистонининг «Ал-Қадисия» клубига ўтишга яқин тургани хабар қилинган эди.

«Футболчилар аллақачон хаёлан кетишга қарор қилиб бўлишган бўлса, уларни олиб қолиш учун кўндириш осон эмас. Тижани билан боғлиқ вазият Траффорд ва яна баъзи ўйинчилар билан содир бўлган ҳолатга ўхшаш. Менимча, агар клуб, футболчи ва мураббий энг яхши ечим кетгани маъқул деб ҳисоблашса, демак, шундай бўлиши керак», — деди Мареска матбуот анжуманида.

Эслатиб ўтамиз, ўтган мавсумда Рейндерс барча турнирларни ҳисобга олганда 47 та ўйинда майдонга тушиб, 7 та гол урган ва 8 та голли узатма муаллифига айланган эди.