«Барселона» ярим ҳимоячиси Френки де Йонг журналист Херард Ромеро ҳақида танқидий фикр билдирди. Нидерландиялик футболчи Ромерони ёлғон маълумот тарқатишда айблади.
— Ўтган мавсумда у мени Чемпионлар лигасида «Атлетико»га қарши ўйнашдан бош тортган, деб айтган эди. Бу ёлғон. У шунингдек, Ханси Флик билан муносабатларим ёмонлигини ҳам таъкидлади. Бу ҳам ҳақиқатга тўғри келмайди. У мен ҳақимда бир неча бор ёлғон тарқатди. Мен бунга ортиқ чидай олмайман. У ёлғон маълумот тарқатишнинг оқибатлари борлигини тушуниб етиши керак, — деди де Йонг The Touchline нашрига.
