«Манчестер Юнайтед»нинг собиқ афсонавий футболчиси Пол Скоулз агар ҳозирги даврда ўйнаб, ҳар иккала Манчестер клубидан таклиф олганида, «Манчестер Сити»ни танлаган бўлишини тан олди.
«Агар «Манчестер Юнайтед» ва «Манчестер Сити» мени сотиб олмоқчи бўлишганида, қайсидир клубнинг мухлиси эканимдан қатъи назар, мен «Манчестер Сити»ни танлаган бўлардим», — деди Скоулз The Good, The Bad & The Football кўрсатувида.
Эслатиб ўтамиз, Пол Скоулз бутун профессионал фаолиятини фақатгина «Манчестер Юнайтед»да ўтказган. «Қизил иблислар» сафида ярим ҳимоячи жами 717 та ўйинда майдонга тушиб, 155 та гол урган ва 84 та голли узатмани ўз ҳисобига ёзиб қўйган.
