Суперлигада "Навбаҳор" ва "Бунёдкор" ўртасидаги сермаҳсул учрашув наманганликларнинг 4:3 ҳисобидаги ғалабаси билан якунланди.

Баҳс статистикасига кўра, "Навбаҳор" ҳужумкорлик борасида рақибидан сезиларли устунлик қилди. Наманганликлар дарвоза томон жами 24 та зарба йўллаб, шуларнинг 10 тасини аниқ амалга оширди. "Бунёдкор" эса 6 та зарбадан 3 тасини аниқ йўллади.

Кутилган голлар кўрсаткичи — xG бўйича ҳам "Навбаҳор"нинг устунлиги катта бўлди: 4,23 — 0,49.

Тўп назоратида эса жамоалар ўртасида катта фарқ кузатилмади — 52 фоиз "Навбаҳор", 48 фоиз "Бунёдкор" фойдасига.

Паслар аниқлиги бўйича тошкентликлар бироз яхшироқ натижа кўрсатди — 82 фоизга қарши 80 фоиз.

"Навбаҳор" 15 та калит пас амалга оширган бўлса, "Бунёдкор"да бу кўрсаткич 5 тани ташкил қилди. Бурчак зарбалари бўйича ҳам мезбонлар катта устунликка эга бўлди — 7:0.

Қоидабузарликлар сони "Навбаҳор"да 11 та, "Бунёдкор"да 16 тани ташкил этди. Ҳар икки жамоа 2 мартадан офсайд ҳолатига тушиб қолди.