«Ливерпуль» ва «ПСЖ» вингер Брэдли Барколя трансфери шартлари бўйича келишувга эриша олмади.
Париж гранди «қизиллар»нинг француз футболчиси бўйича 100 ва 110 миллион евро миқдоридаги иккита таклифини аллақачон рад этган, деб хабар бермоқда Le Parisien.
Чемпионлар лигасининг амалдаги ғолиби 23 ёшли футболчи учун анча кўпроқ — 160 миллион евро талаб қилмоқда. Шу тариқа, «Ливерпуль» «ПСЖ» талабини қондириш учун Англия футболидаги трансфер рекордини янгилашига тўғри келади.
Ишончли маълумотларга кўра, Брэдли Барколя «Ливерпуль» билан келишиб олган ва трансфер амалга ошишини хоҳламоқда.
Ҳозирча парижликлар ён беришга ва футболчининг нархини пасайтиришга тайёрми-йўқми, номаълум.
