«Милан»нинг янги бош мураббийи Рубен Аморим ҳамюрти Рафаэл Леауга жамоа таркибида ишонч билдирмаяпти ва ушбу трансфер ойнасида унинг кетишига қарши эмас. La Gazzetta dello Sport нашрининг хабар беришича, португалиялик мутахассис 27 ёшли ҳужумчидан воз кечишга қарор қилганининг иккита асосий сабаби бор:
-
Тактик мос келмаслик: Аморимнинг фикрича, Леау унинг жамоада қўллаётган тактик схемалари ва ўйин услубига тўлиқ мос тушмайди.
-
Кийиниш хонасидаги муҳит: Бош мураббийга футболчининг кийиниш хонасидаги муҳитга кўрсатаётган таъсири ва хулқ-атвори ёқмаяпти.
Шу сабабли «Милан» раҳбарияти вингернинг трансфер нархини 40 миллион еврогача туширишга тайёр. Ҳозирда унга Туркиянинг «Галатасарoй» клуби жиддий қизиқиш билдирмоқда.
Эслатиб ўтамиз, Рубен Аморим июнь ойида истеъфога чиқарилган Массимилиано Аллегри ўрнини эгаллаб, Италия клуби бош мураббийига айланган эди. «Милан» Серия Анинг янги мавсумини 23 август куни «Торино»га қарши ўйин билан бошлайди.
